قصيدة هشام الجخ فى رثاء ابنته

عندما ولدت اختار لها اسم جويرية ولكن ارادة الله كتبت ان تموت الرضيعة فى عمر ثلاث اشهر ولانها الابنة فلذة الكبد قام هشام الجخ برثاء طفلته بقصيدة يا حتة القلب اللى مات

يا حتة القلب اللي مات..
وَعْد يا ست البنات
حافضل أحبك من سكات
واشرب سجاير برة أوضتك من سكات
والبس هدومي وانتي نايمة واقفل الباب من سكات
وافضل أعلّم كل شهرين جوة كشف التطعيمات
وافضل أَحَوِّش لك جهازك واشتري لك طقم صيني
وابقى حالق دقني دايما وانتي بس اللي تبوسيني
إوعي ماما تعرف اننا جبنا شيبسي
فكّريني واحنا نازلين ابقى اجيب لك بُكرة بيبسي
ما تتشاقيش في المدرسة ومتلعبيش وسط الولاد
وفكريني ابعت معاكي صورة لشهادة الميلاد
ياه ع الوجع لما بتِصْغَر من مرارته أي آه
ولا يصحكش من حلمك .. إلا على شهادة الوفاة.

بالفيديوالاغنية المغربية الجميلة يا سادتى

اغنية يا سادتى من الاغانى المغربية الجميلة بنغماتها وطريقة غنائها والاغنية تروى قصة عن شاب يتناول الخمور ولا  يهتم لاى امر ايا كان الى ان يقوم اثناء سكره بالاعتداء بالضرب على امه التى يحبها ويقدرها فلما يفيق من الخمر ويسترد عقله يتوجه الى امه طالبا منها العفو والرضاوطلب منها ان تسامحه ولكن رفضت امه التسامح والرضا عنهفترك المنزل وهام على وجهه فى الجبال يرجو ويتمنى من الله المغفرة ويتعبد اليه فسمع صوتا يناديه ان الله لن يغفر لك الا ان حظيت برضا امك وسامحتك على ما حدث منك من ضربها فتوجه الى امه يرجو منها الصفح والمغفرة ولكنها رفضت مرة اخرى فما كان منه الا ان جمع الحطب لكى يحرق نفسه وهو يقول ان نار الدنيا اهون من نار الاخرة

يا ساداتي ولاد طه برضاكم عالجوا الحال
ياناس الجود والكرم مولانا ترحم لالة فاطمة الزهراءالطاهرة
نثني في صلاة طه محمد سيد البشر من جا بالدين بالجهر
نبينا صاحب الرسالة بالنبي وحنا مؤمنين
بعد الصلاة على الرسول اصغى لقولي يا كل من حضر

قصة شارب الخمر هو واللي دار (عمل )بهوى نفسه وعصى الوالدين
شيطانه غر به وغواه وشرب من كاس الخمر ما راعى ليلة القبر
مادار الموت في اتباعه شيطانه فاتنه فتين
مادار بوصية النبي والاية قالت في السطر
في الوالدين لا نهر مولانا وصى عليهم وانت غافل يا حزين

قصة ولد في الزمان الماضي مولوع بالخمر يشرب فالليل بالستر
ساكن ف دارهم هو وامه والبيوت فارقين
ناضت موميته (امه ) تتوضا و تصلي عند الفجر
شافت الضوء في الوكر
قالت ولدها مريض زادت سمعته غير كينين

دخلت عليه صابته يكب من القربة ويسكر
قلعتها له بالنتر ناض طرشها(صفعها ) الظالم وعمى لامه العين
عاود طرشة اخرى ريبها ليها(كسرلها ) الاسنان بالدغر
ساكر والو ما شعر
مشات ميمته تنوح وتعيط (تنادي )يا السامعين

مشات لبيتهاو نعست وقالت ولدها خسر
ما هو ولدها ادا كفر
سخطها يجري عليه ما طال الدهر وطالت السنين
رغبها ما بغات تسمحله ودموعه كيف المطر
وعطا راسه للقفر قال انا عصيت امي نهرب للرب الحنين

مشى قاصد لجبل دار خلوة من الحجر
يعبد ربي بالقدر
هو ساجد يسمه النداء يقول يا فلان
ربي ما قبل منك لا صلاة ولا صوم الدهر
لو تعبد طول الدهر جنة ربي ما يدخلها غير اللي طاع الوالدين

هاود للمدينة يا اللي حضر
قطعه ايده بالصبر قالتله كيف خسرتيها ساخطة عليه دين
وجلس مهموم قال يتحرق فالدنيا هنا خير
وجمع الحطب والسدر وحدر للزوبيا حماها(اوقدها )
ورجع لميمته في الحين

منين انا عصيت دخلت عليك بسيد البشر
شوفيني غير بالنظر
مشات معاه قاليها دخلت عليك بالامين منين تدوزي(وين ما تروحي ) رضي علي
عنق امه على الصدر وجرى للزوبيا(النار) جهر

نختم فمي بالدكر سبحان الدايم الاكبر
من لا يسهى ولا ينام الراحم مهما طالت النسين
مرضاة الوالدين هي السترة وتزيد في العمر
في الجنة تبني قصر

قصيدة سالى هاشم التى اثارت ازمة

سالى سيد هاشم هذا هو اسمها طالبة بالصف الثانى الثانوي بمدرسة السيدة زينب الثانوية بنات اصبحت سالى محور للحديث بعد ان اثارت الجدل بين الكثيرين بسبب قصيدتها التى كتبتها للرئيس محمد مرسى  القصيدة تتحدث عن الاوضاع السياسية فى مصر وتنتقد فيها هذه الاوضاع وطلبت من المصريين انيقوموا بالصبر حتى يتم الخروج من هذه الازمات وقد قامت سالى بالقاء القصيدة ذات صباح فى الاذاعة المدرسية حتى فوجئت بالمديرةتطلب بايقاف الاذاعة وبعدد من المدرسين يتوعدونها واتهموها بانها تريد ان تولع البلد وتخريبها بدماغها ثم تم استدعاءها وزميلة لها كانت قد قامت بالقاء كلمة عبارة عن مقال لعلاء الاسوانى الى مكتب المديرة ليتحدث اليهم معلم اخوانى موجها اليهم الاتهامات وحكى للمديرة الامر من وجهة نظره التى قالت لسالى  إننى سأحيلك إلى مجلس تأديب وهاتيلى أبوكى يجى ياخد ملفك وانتى مش هتفضلى معايا فى المدرسة وشوفليلك مدرسة تانية تروحيها قمنا على اثرها عمل وقفة احتجاجيةيطالبون فيها بنقل المديرة مما ادى محاولة احد المعلمين ضربها

حــس
حس يا سيادة الريس بينا
حس بالنار اللى والعة فينا
حس بشهيد حلمه ضاع
حس بقهرة أهالينا
ليك رب هتقابله.. طب هتقوله إيه؟ لما يسأل جنابك علينا

حــس
حس بشوارع مليها دم
حس بقهرة أب وأم
حس ببيوت جُواها هم
والقلوب مليها الغم
حس ببلد بتموت
وعز شبابها بيتسم

حــس
حس بجدع عياله جاعت
نزل يوكلهم فكرامته اتباعت
اتسحل واتعرى فى وسط حكومتك
وبعد ده كله حقوقه ضاعت

حــس
ده أنا المصرى ابن البلد
حلمى فى وسط الميدان اتولد
حلمى فى بلدى تعلى لفوق
وحلمى قدامى اتعرى واتجلد

حــس
يا سيادة الريس شرفك فين؟
لما اتعرى المصرى الهمام
لما اتسحل واستغليت إنه راجل جعان
وعاوز تكممه وتكتف عزته
وتهز بلدنا.. بلد الشجعان
لا مش هسكتلك ولا اسيبك تنهش
فى لحم بلدى زى زمان

حــس
ما أصلى خلاص م الموت معودتش بخاف
عارف الموت؟ عارف معناه؟
الموت أحلام بتموت وتضيع
الموت مش بس موت الحياة
الموت صديق عمر يروح
وصاحبه يتوه مجراه
الموت مش بس روح بتطلع
الموت ابن يموت وأمه م تقدر تنساه
الموت أب انكسر ظهره
ابنه كان ظهره وقواه
الموت يعنى مستقبل بيموت ويضيع
وتموت أحلامك وياه

حــس
حق اللى اتعرى يا ريس فين؟
ولا هو اللى عراه أصلا مين؟
اللى عراه ظلم وكدب
اللى عراه حكم مهين
اللى عراه ديابة ملهاش إحساس
اللى عراه كلاب مسعورين
اللى عراه سكوت.. اللى عراه جبروت
اللى عراه سلطة بتكسر عين

(حــس)
ورسالتى أخيرة لنظام جبان
نظام فاسد ملوش عنوان
لو همــوت
لو دمى منك يلاقى الجحود
وتهددنى بسجن ظلام
ولا لوجوده أى وجود
... مش هتسكت فيا الصوت..
... مش هتسكت فيا الصوت..

حس التلاوةقصيدة جمال بخيت

من القصائد الجميلة جدا للشاعر جمال بخيت وتحدث فيها عن عدد من المشايخ الشهيرين بتلاوة القران ومزايا صوتكل منهم وبماذا تشعر عند سماع تلاوته القصيدة ذكرت عدد كبير من المقرئين فذكرت الحصرى والبهتيمى والمنشاوى والطبلاوى ونعينع والمشايخ عمران ورفعت وعبد الصمد وكثير مناصحاب اجمل الاصوات فى تلاوة القران

مسحراتى العروبة

حس الجبال والبوادى

حادى الجمال للخصوبة

نويت أسحر بلادى

مهد النبوة ف ضميرى

نور الحضارة ف مصيرى

ومسيرى أوصل مسيرى

أو يوصلوا لى ولادى

نويت أسحر صباحى

أهلى وبيتى وبراحى

واصحى حتى اللى صاحى

يا رب نور فؤادى

رمضان جمعنى بصوتى

وصلاتى رفضت سكوتى

يا فرقة لازم تموتى

يا حسى لازم تنادى

الله أكبر الله أكبر

لا إله إلا الله

مسحراتى العرب

ترتيلى بيصب ف نيلى

رقة وإحساس وحلاوة

وبنيت وزوقت سبيلى

على ندى أحلى تلاوة

لِسّانى باسمع ف الحصرى

بقلبى وبروحى وبصرى

تجويد على فن وتغريد

على شوق من الحس المصرى

على حنان على مية ورد

على رحمة ف عروقى بتسرى

لَِسانى باسمع ف الحصرى

وباعيش على صوته نعيمى

أبدأ صلاتى وتسليمى

يصاحبنى صوت البهتيمى

يباركنى حس المنشاوى

يطربنى حس الطبلاوى

يصفا لى حس الشيخ عمران

صوت عندليب .. ودعاء كروان

ساعة ما يتلو من القرآن

آيات رضا وإعجاز وبيان

المئذنة لما ارتفعت

عرفنا إن الشيخ رفعت

بيشد عودها بأدانه

وهيه دايبة ف وجدانه

نور الآيات لمس العمران

كل الشهور حاوطت رمضان

والحضرة بدأت بالغفران

عبد الصمد يتلو "الرحمن"

و "النور" وبعديها "الفرقان"

يأتينا من حلو الترتيل

وكأننا ف حضرة جبريل

أحمد ندا يقرا "الإنسان"

الروح تطيب من أوجاعى

ويهل صوت الشعشاعى

يسقينى من نبع "الكوثر"

و "التوبة" ف ضميرنا بتحضر

وآدى مصطفى من بيت سِمَاعِين

صب الندى ف روح السامعين

نِعلـَى معاه من دنيا لدين

صوت العرب يا مستمعين

بيذيع تلاوة على محمود

جدى انتشى وآخر العنقود

لما ابتدا بسورة "الإخلاص"

و "قل أعوذ برب الناس"

م البسملة بنقول : الله

ونعيدها تانى ف "صدق الله"

إسمع شعيشع واتهنى

على فرع منسوب للجنة

الصيفى .. غرد .. والبنا

لاقينا ف السورة وَطـَّـنـَا

ورأينا ف الروضة مكانا

الصيفى .. غرد .. والبنا

لا عرفت أمشى ولا أستنى

وبلادى مفتوحة قصادى

سمعت صوت شيخنا القاضى

عبد العظيم زاهر راضى

وأحمد نعينع لو يقرا

بالقلب أسمع وأنصت له

ومصطفى غلوش .. راغب

يقرا الآيات فابتسمت له

وأنا رايح أسحر ف بلادهم

وأمد قلبى بمددهم

ألاقى ناس بتقول : الله

وألاقينى ما أعرفش عددهم

أوصل بصوتى لأبعدهم

أقول يا مصر المحروسة

دول الولاد وأنا أسعدهم

ولا حد يعزف أرغولك

ولا حد ف الحق .. يطولك

ولا حد بيكى هايتساوى

على ندى .. أحلى .. تلاوة ..

المنشد :

مبروك عليكو النهار

يا اللى انتو صايمينه

مبروك عليكو الليل

يا اللى انتو قايمينه

مبروك عليكو الشهر

رحمة وعبادة وشفا

وفتح بالمعرفة

من العلى العظيم

المغنى :

اقرا لى ما تيسر .. من صفوة البيان

المصحف المفسر .. يملانى بالحنان

بين مكة والمدينة .. قرآن بيحس بينا

واللى تركه .. تحسر .. اقرا لى ما تيسر ...

اقرا لى من آياتى .. ما يسمو بالعقول

يشفى لى سنين حياتى .. بصلاتى على الرسول

والشمس وما بناها .. نور القرآن تباهى

بنصر نبينا طه .. صنم الأصنام تكسر

اقرا لى ما تيسر ...

اهدينى بحق "اقرأ" .. إحساس يشعر ويفهم

لسان .. ف الحق .. أجرأ .. وضمير بالعدل أعلم

اجعل ف العلم جاهى .. وصحح لى اتجاهى

واجعلنى يا إلهى .. لكل جميل ميسر

اقرا لى ما تيسر..

المؤدى :

انتى الخلود .. مهما تروحى

لا بتغرقى .. ولا بتنوحى

الدنيا تحتار من صمتك

وبتهمسى لى وتبوحى

انتى الخلود وانتى حياتى

ونجاتى وسفينة نوحى

بسم الله أسمع ترتيلك

المولى يهدينى فتوحى

لو الزمان عنك حاشنى

وصوتك الحلو وحشنى

يقابلنى صوت طه الفشنى

تطيب على البُعد جروحى

النقشبندى .. بيمشى وحيد

يملا بلاد الله تغريد

تسابيح مدد .. وغــُنا و تجويد

على ما تيسر من روحى

أنا باغنى يا مؤمنين

غنوة محبة لكل دين

الإنسانية قالت آمين

يا رب جمعا موحدين

إياك نعبد ونستعين